Olmazor tumani ichki ishlar organlariga 2020-yil 20-avgust kuni 29 yoshli qashqadaryolik Zamirbek N. sodir etilgan o‘g‘rilik yuzasidan murojaat qildi, deya xabar bermoqda Toshkent shahar IIBB.
Murojaatchining ma’lum qilishicha, 20-avgust kuni taxminan soat 21:50 da noma’lum shaxs avtomobilining ochiq va qarovsiz qolganidan foydalanib, salonda bo‘lgan 17 million so‘m pulni o‘g‘irlab ketgan.
Mazkur fakt asosida Jinoyat kodeksining 169-moddasi (o‘g‘rilik) bo‘yicha jinoiy ish qo‘zg‘atilgan.
Jinoyat qidiruv xodimlari tomonidan ko‘rilgan choralar davomida o‘g‘rilikda gumonlanuvchi shaxs 33 yoshli Abdufozil A. qo‘lga olingan. Hozirda tergov harakatlari davom etmoqda.
Izoh (0)