Олмазор тумани ички ишлар органларига 2020 йил 20 август куни 29 ёшли қашқадарёлик Замирбек Н. содир этилган ўғрилик юзасидан мурожаат қилди, дея хабар бермоқда Тошкент шаҳар ИИББ.
Мурожаатчининг маълум қилишича, 20 август куни тахминан соат 21:50 да номаълум шахс автомобилининг очиқ ва қаровсиз қолганидан фойдаланиб, салонда бўлган 17 миллион сўм пулни ўғирлаб кетган.
Мазкур факт асосида Жиноят кодексининг 169-моддаси (ўғрилик) бўйича жиноий иш қўзғатилган.
Жиноят қидирув ходимлари томонидан кўрилган чоралар давомида ўғриликда гумонланувчи шахс 33 ёшли Абдуфозил А. қўлга олинган. Ҳозирда тергов ҳаракатлари давом этмоқда.
Изоҳ (0)