Umar Nurmagomedov UFC 254 musobaqasida qozog‘istonlik yakkakurashchi bilan jang qiladi

Rossiyalik yakkakurashchi Umar Nurmagomedov UFC’dagi debyut jangida qozog‘istonlik Sergey Morozov bilan to‘qnash keladi.

Mazkur jang 24-oktabr kuni Abu-Dabidagi “Jangchilar oroli”da bo‘lib o‘tadigan UFC 254 musobaqasida o‘tkaziladi. Ushbu UFC kechasining asosiy jangi Umarning amakivachchasi Habib Nurmagomedov va Jastin Getji o‘rtasida kechadi.

Umar Nurmagomedov MMA’da 19 jang o‘tkazib, ularning barchasida g‘alaba qozongan. U so‘nggi jangini 2019-yil Toshkentda o‘tgan GFC 20 musobaqasida o‘tkazgan va unda Brayan Gonsalesni mag‘lub etib, chempionlik kamarini himoya qilgandi.

Morozov esa M-1 bo‘yicha sobiq chempion hisoblanadi va ketma-ket beshta jangdan buyon mag‘lubiyatsiz seriya qayd etmoqda.