Россиялик яккакурашчи Умар Нурмагомедов UFC’даги дебют жангида қозоғистонлик Сергей Морозов билан тўқнаш келади.
Мазкур жанг 24 октябрь куни Абу-Дабидаги «Жангчилар ороли»да бўлиб ўтадиган UFC 254 мусобақасида ўтказилади. Ушбу UFC кечасининг асосий жанги Умарнинг амакиваччаси Ҳабиб Нурмагомедов ва Жастин Гэтжи ўртасида кечади.
Умар Нурмагомедов MMA’да 19 жанг ўтказиб, уларнинг барчасида ғалаба қозонган. У сўнгги жангини 2019 йил Тошкентда ўтган GFC 20 мусобақасида ўтказган ва унда Брайан Гонсалесни мағлуб этиб, чемпионлик камарини ҳимоя қилганди.
Морозов эса М-1 бўйича собиқ чемпион ҳисобланади ва кетма-кет бешта жангдан буён мағлубиятсиз серия қайд этмоқда.
Изоҳ (0)