O‘zbekiston Respublikasi mustaqilligining 29 yilligi munosabati bilan Prezident Shavkat Mirziyoyev nomiga xorijiy davlatlar va hukumatlar, nufuzli xalqaro tashkilotlar rahbarlari, taniqli davlat, jamoat va din arboblaridan samimiy qutlovlar kelmoqda. Bu haqda Prezident matbuot xizmati xabar berdi.
Ularda O‘zbekistonning davlat va jamiyat qurilishida erishgan muvaffaqiyatlari, mamlakatning barqaror taraqqiyotini ta’minlash va aholi turmush darajasini oshirish, respublikaning xalqaro maydondagi nufuzini mustahkamlashga qaratilgan keng miqyosli ijtimoiy-iqtisodiy islohotlar natijalari e’tirof etilgan.
Maktublarda Shavkat Mirziyoyev va O‘zbekistonning ko‘p millatli xalqiga farovonlik, tinchlik-osoyishtalik va ravnaq tilaklari izhor etilib, xalqaro hamjamiyat oldida turgan umumiy global xatarlar tez fursatda yengib o‘tilishiga ishonch bildirilgan.
Mustaqillikning 29 yilligi munosabati bilan tabrik yo‘llaganlar qatoridan BMT bosh kotibi Antoniu Guterrish, Rossiya prezidenti Vladimir Putin, Xitoy raisi Si Szinpin, AQSh prezidenti Donald Tramp, Turkiya prezidenti Rajab Toyyib Erdo‘g‘on, Janubiy Koreya prezidenti Mun Chje In va Germaniya prezidenti Frank Valter Shtaynmayer ham o‘rin olgan.
Shuningdek, O‘zbekistonning qo‘shni mamlakatlari rahbarlaridan ham tabriklar kelgan. Xususan, Qozog‘istonning birinchi prezidenti Nursulton Nazarboyev va amaldagi prezidenti Qosim-Jo‘mart To‘qayev, Qirg‘iziston prezidenti So‘ronboy Jeenbekov, Tojikiston prezidenti Emomali Rahmon, Turkmaniston prezidenti Gurbanguli Berdimuhammedov ham Shavkat Mirziyoyevga bayram tabriklarini yo‘llagan.
Bundan tashqari, quyidagilar ham O‘zbekiston Prezidentiga o‘z tabriklarini yo‘llagan:
- Naruxito — Yaponiya imperatori
- Ram Nath Kovind — Hindiston prezidenti
- Ashraf G‘ani — Afg‘oniston prezidenti
- Ilhom Aliyev — Ozarbayjon prezidenti
- Aleksandr Lukashenko — Belarus prezidenti
- Igor Dodon — Moldova prezidenti
- Vladimir Zelenskiy — Ukraina prezidenti
- Yelizaveta II — Buyuk Britaniya va Shimoliy Irlandiya qirolichasi
- Filipp — Belgiyaliklar qiroli
- Felipe VI — Ispaniya qiroli
- Villem-Aleksandr — Niderlandiya qiroli
- Karl XVI Gustav — Shvetsiya qiroli
- Aleksandr Van der Bellen — Avstriya prezidenti
- Rumen Radev — Bolgariya prezidenti
- Yanosh Ader — Vengriya prezidenti
- Serjo Mattarella — Italiya prezidenti
- Egils Levits — Latviya prezidenti
- Andjey Duda — Polshi prezidenti
- Zuzana Chaputova — Slovakiya prezidenti
- Milosh Zeman — Chexiya prezidenti
- Simonetta Sommaruga — Shveysariya prezidenti
- Fransisk — Rim-katolik cherkovi rahbari
- Xalifa bin Zoid al-Nahayon — BAA prezidenti
- Abdulfattoh As-Sisi - Misr prezidenti
- Hasan Ruhoniy - Eron prezidenti
- Imron Xon - Pokiston bosh vaziri
- Haysam bin Toriq — Ummon sultoni
- Joko Vidodo — Indoneziya prezidenti
- Sulton Abdulloh Ri’yatuddin al-Mustafo Billoh — Malayziya podshohi
- Halima Yaqub — Singapur prezidenti
- Rodrigo Duterte — Filippin prezidenti
- Mahmud Abbos — Falastin prezidenti
- Abdul Hamid — Bangladesh prezidenti
- Shayxa Hasina — Bangladesh bosh vaziri
- Abdulmajid Tabbun — Jazoir prezidenti
- Bunnyang Vorachit — Laos prezidenti
- Xose Daniel Ortega Saavedra — Nikaragua prezidenti
- Muhammad bin Zoid al-Nahayon — BAA Qurolli kuchlari Oliy bosh qo‘mondoni o‘rinbosari, Abu-Dabi amirligi valiahdi
- Muhammad bin Roshid al-Maqtum — BAA vitse-prezidenti, vosh vaziri, Dubay amirligi hokimi
- Syuy Dunyuy — Oziq-ovqat va qishloq xo‘jaligi tashkiloti (FAO) bosh direktori
- Zurab Pololikashvili — Jahon sayyohlik tashkiloti bosh kotibi
- Kunio Mikuriya — Jahon bojxona tashkiloti bosh kotibi
- Salim al-Malik — Ta’lim, fan va madaniyat masalalari bo‘yicha Islom tashkiloti (AYSESKO) bosh direktori
- Jilber Ungbo — Qishloq xo‘jaligini rivojlantirish xalqaro jamg‘armasi prezidenti
- Bag‘dat Amreyev — Turkiy tilli davlatlar hamkorlik kengashi bosh kotibi
- Sergey Lebedev — Mustaqil Davlatlar Hamdo‘stligi Ijroiya qo‘mitasi raisi — Ijrochi kotibi
Eslatib o‘tamiz, Shavkat Mirziyoyev 31-avgust kuni Shahidlar xotirasi xiyoboniga tashrif buyurdi. Majmuadagi ramziy qabr yonida qatag‘on qurbonlari ruhlariga bag‘ishlab Qur’on tilovat qilindi.Shundan so‘ng, davlat rahbari Mustaqillik maydoniga tashrif buyurib, Mustaqillik va ezgulik monumenti poyiga gulchambar qo‘ydi, Ko‘ksaroy qarorgohida O‘zbekiston Respublikasi davlat mustaqilligining 29 yilligi munosabati bilan tantanali tadbir bo‘lib o‘tdi.
Izoh (0)