Ўзбекистон Республикаси мустақиллигининг 29 йиллиги муносабати билан Президент Шавкат Мирзиёев номига хорижий давлатлар ва ҳукуматлар, нуфузли халқаро ташкилотлар раҳбарлари, таниқли давлат, жамоат ва дин арбобларидан самимий қутловлар келмоқда. Бу ҳақда Президент матбуот хизмати хабар берди.
Уларда Ўзбекистоннинг давлат ва жамият қурилишида эришган муваффақиятлари, мамлакатнинг барқарор тараққиётини таъминлаш ва аҳоли турмуш даражасини ошириш, республиканинг халқаро майдондаги нуфузини мустаҳкамлашга қаратилган кенг миқёсли ижтимоий-иқтисодий ислоҳотлар натижалари эътироф этилган.
Мактубларда Шавкат Мирзиёев ва Ўзбекистоннинг кўп миллатли халқига фаровонлик, тинчлик-осойишталик ва равнақ тилаклари изҳор этилиб, халқаро ҳамжамият олдида турган умумий глобал хатарлар тез фурсатда енгиб ўтилишига ишонч билдирилган.
Мустақилликнинг 29 йиллиги муносабати билан табрик йўллаганлар қаторидан БМТ бош котиби Антониу Гутерриш, Россия президенти Владимир Путин, Хитой раиси Си Цзиньпин, АҚШ президенти Дональд Трамп, Туркия президенти Ражаб Тоййиб Эрдўғон, Жанубий Корея президенти Мун Чжe Ин ва Германия президенти Франк Вальтер Штайнмаер ҳам ўрин олган.
Шунингдек, Ўзбекистоннинг қўшни мамлакатлари раҳбарларидан ҳам табриклар келган. Хусусан, Қозоғистоннинг биринчи президенти Нурсултон Назарбоев ва амалдаги президенти Қосим-Жўмарт Тўқаев, Қирғизистон президенти Сўронбой Жээнбеков, Тожикистон президенти Эмомали Раҳмон, Туркманистон президенти Гурбангули Бердимуҳаммедов ҳам Шавкат Мирзиёевга байрам табрикларини йўллаган.
Бундан ташқари, қуйидагилар ҳам Ўзбекистон Президентига ўз табрикларини йўллаган:
- Нарухито — Япония императори
- Рам Натҳ Ковинд — Ҳиндистон президенти
- Ашраф Ғани — Афғонистон президенти
- Илҳом Алиев — Озарбайжон президенти
- Александр Лукашенко — Беларусь президенти
- Игорь Додон — Молдова президенти
- Владимир Зеленский — Украина президенти
- Елизавета II — Буюк Британия ва Шимолий Ирландия қироличаси
- Филипп — Бельгияликлар қироли
- Фелипе VI — Испания қироли
- Виллем-Александр — Нидерландия қироли
- Карл XVI Густав — Швеция қироли
- Александр Ван дер Беллен — Австрия президенти
- Румен Радев — Болгария президенти
- Янош Адер — Венгрия президенти
- Сержо Маттарелла — Италия президенти
- Эгилс Левитс — Латвия президенти
- Анджей Дуда — Полши президенти
- Зузана Чапутова — Словакия президенти
- Милош Земан — Чехия президенти
- Симонетта Соммаруга — Швейцария президенти
- Франциск — Рим-католик черкови раҳбари
- Халифа бин Зоид ал-Наҳаён — БАА президенти
- Абдулфаттоҳ Ас-Сиси - Миср президенти
- Ҳасан Руҳоний - Эрон президенти
- Имрон Хон - Покистон бош вазири
- Ҳайсам бин Ториқ — Уммон султони
- Жоко Видодо — Индонезия президенти
- Султон Абдуллоҳ Риъятуддин ал-Мустафо Биллоҳ — Малайзия подшоҳи
- Ҳалима Яқуб — Сингапур президенти
- Родриго Дутерте — Филиппин президенти
- Маҳмуд Аббос — Фаластин президенти
- Абдул Ҳамид — Бангладеш президенти
- Шайха Ҳасина — Бангладеш бош вазири
- Абдулмажид Таббун — Жазоир президенти
- Буннянг Ворачит — Лаос президенти
- Хосе Даниэль Ортега Сааведра — Никарагуа президенти
- Муҳаммад бин Зоид ал-Наҳаён — БАА Қуролли кучлари Олий бош қўмондони ўринбосари, Абу-Даби амирлиги валиаҳди
- Муҳаммад бин Рошид ал-Мақтум — БАА вице-президенти, вош вазири, Дубай амирлиги ҳокими
- Цюй Дуньюй — Озиқ-овқат ва қишлоқ хўжалиги ташкилоти (FAO) бош директори
- Зураб Пололикашвили — Жаҳон сайёҳлик ташкилоти бош котиби
- Кунио Микурия — Жаҳон божхона ташкилоти бош котиби
- Салим ал-Малик — Таълим, фан ва маданият масалалари бўйича Ислом ташкилоти (AYSESKO) бош директори
- Жилбер Унгбо — Қишлоқ хўжалигини ривожлантириш халқаро жамғармаси президенти
- Бағдат Амреев — Туркий тилли давлатлар ҳамкорлик кенгаши бош котиби
- Сергей Лебедев — Мустақил Давлатлар Ҳамдўстлиги Ижроия қўмитаси раиси — Ижрочи котиби
Эслатиб ўтамиз, Шавкат Мирзиёев 31 август куни Шаҳидлар хотираси хиёбонига ташриф буюрди. Мажмуадаги рамзий қабр ёнида қатағон қурбонлари руҳларига бағишлаб Қуръон тиловат қилинди.Шундан сўнг, давлат раҳбари Мустақиллик майдонига ташриф буюриб, Мустақиллик ва эзгулик монументи пойига гулчамбар қўйди, Кўксарой қароргоҳида Ўзбекистон Республикаси давлат мустақиллигининг 29 йиллиги муносабати билан тантанали тадбир бўлиб ўтди.
Изоҳ (0)