“Barselona” rahbariyati jamoaning mavsumoldi yig‘inida ishtirok etmayotgan Lionel Messiga nisbatan tartib intizom choralarini qo‘llaydi.
Jurnalist Tankredi Palmerining xabar qilishicha, “Barselona” rahbariyati Messining yig‘inga kelmagan har bir kuni uchun proporsional ravishda futbolchining maoshini qisqartirib boradi. Argentinalik futbolchi katalon klubida kuniga 110 ming yevro ishlab topadi.
Avvalroq Messi koronavirusga test topshirish uchun “Barselona” qarorgohiga kelmagandi. Shuningdek Messi mavsumoldi yig‘inida qatnashmasligi borasida klubni ogohlantirgani aytilgandi. 30-avgust kuni “Barselona” futbolchilari mashg‘ulotlarni boshlashdan avval tibbiy ko‘rikdan o‘tishni boshlagan. Ammo faqatgina Messi “Barselona” bazasida ko‘rinish bermagan.
Mavzuga doir:
Messi 2019/20-yilgi mavsumda “Barselona” safida 44 o‘yin o‘tkazib, 31 ta gol va 24 ta golli uzatma muallifiga aylandi. Argentinalik futbolchining katalonlar bilan amaldagi shartnomasi 2021-yilga qadar mo‘ljallangan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)