Davlat test markazining rasmiy veb-saytida “Stadionlar va xiyobonlar” bo‘limi tashkil etildi. Unga 2020/2021-o‘quv yili qabulida oliy ta’lim muassasalarining bakalavriat ta’lim yo‘nalishlari uchun test sinovlari o‘tkaziladigan stadionlar va xiyobonlar bo‘yicha ma’lumotlar joylashtirildi. Bu haqda DTM tomonidan xabar berildi.
Mazkur bo‘limda quyidagi ma’lumotlar mavjud:
- stadion yoki xiyobonning rasmi;
- hududga kirish joylari;
- stadion yoki xiyobon nomi;
- stadion yoki xiyobon manzili;
- sektor raqami;
- test topshiradigan guruhlar;
- stadion yoki xiyobonning Google xaritadagi geolokatsiyasi.
Avvalroq O‘zbekistonda OTMlarga kirish imtihonlari o‘tkaziladigan stadion va xiyobonlar ro‘yxati e’lon qilingandi.
Eslatib o‘tamiz, O‘zbekistonda 22-avgustdan boshlab abituriyentlarga ruxsatnomalar berish boshlangan.
Izoh (0)