Давлат тест марказининг расмий веб-сайтида «Стадионлар ва хиёбонлар» бўлими ташкил этилди. Унга 2020/2021-ўқув йили қабулида олий таълим муассасаларининг бакалавриат таълим йўналишлари учун тест синовлари ўтказиладиган стадионлар ва хиёбонлар бўйича маълумотлар жойлаштирилди. Бу ҳақда ДТМ томонидан хабар берилди.
Мазкур бўлимда қуйидаги маълумотлар мавжуд:
- стадион ёки хиёбоннинг расми;
- ҳудудга кириш жойлари;
- стадион ёки хиёбон номи;
- стадион ёки хиёбон манзили;
- сектор рақами;
- тест топширадиган гуруҳлар;
- стадион ёки хиёбоннинг Google харитадаги геолокацияси.
Аввалроқ Ўзбекистонда ОТМларга кириш имтиҳонлари ўтказиладиган стадион ва хиёбонлар рўйхати эълон қилинганди.
Эслатиб ўтамиз, Ўзбекистонда 22 августдан бошлаб абитуриентларга рухсатномалар бериш бошланган.
Изоҳ (0)