“Inter” hujumchisi Lautaro Martines Yevropa Ligasida haftaning eng yaxshi o‘yinchisi nomiga loyiq ko‘rildi.
Argentinalik futbolchi musobaqa yarim finali doirasida “Shaxtyor”ga qarshi kechgan bahsda (5:0) ikkita gol va bitta golli uzatma muallifiga aylandi.
Mazkur sovrin uchun “Inter”ning yani bir forvardi Romelu Lukaku, “Manchester Yunayted” yarim himoyachisi Brunu Fernandesh va “Sevilya” darvozaboni Yassin Bunu da’vogarlik qilgandi.
Shuningdek, UEFA hafta ramziy terma jamoasini ham e’lon qildi.
Darvozabon: Samir Handanovich (“Inter”);
Himoyachilar: Serxio Regilon (“Sevilya”), Stefan de Vrey, Danilo D`Ambrozio (ikkisi — “Inter”);
Yarim himoyachilar: Brunu Fernandesh (“Manchester Yunayted”), Marselo Brozovich, Nikolo Barella (ikkisi — “Inter”), Suso, Xesus Navas (ikkisi — “Sevilya”);
Hujumchilar: Lautaro Martines, Romelu Lukaku (ikkisi — “Inter”).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)