O‘zbekistonda 12-avgust kuni soat 17:00 gacha 482 kishida koronavirus aniqlandi va kasallanganlar soni 32 465 nafarga yetdi. Bu haqda Sog‘liqni saqlash vazirligi xabar bermoqda.
Shuningdek, 6 ta hududda koronavirus infeksiyasidan davolanayotgan bemorlardan 1 016 nafari sog‘aydi. Tuzalganlarning
- 720 nafari Toshkent shahrida;
- 215 nafari Toshkent viloyatida;
- 47 nafari Qoraqalpog‘iston Respublikasida;
- 14 nafari Andijon viloyatida;
- 14 nafari Namangan viloyatida;
- 6 nafari Navoiy viloyatida kasallikdan forig‘ bo‘ldi.
“Hozirda mamlakatimizda 7149 nafar bemorga shifokorlarimiz tomonidan belgilangan standartlar bo‘yicha davo choralari ko‘rilmoqda”, — deyiladi SSV xabarida. Oxirgi 24 kun ichida davolanayotgan bemorlar soni minimumga tushdi. 19-iyulda koronavirusdan davolanayotganlar soni 7 mingdan oshgach, 29-iyul kuniga kelib bemorlar soni 9500 dan ham ortib ketgandi. Ammo 30-iyuldan boshlab kunlik sog‘ayish ko‘rsatkichi yangi bemorlar sonidan ortgani hisobiga davolanayotgan bemorlar soni kamaya boshladi.
12-avgust kuni ayni vaqtgacha 4 nafar bemor o‘limi xabar qilindi. SSV hisobi bo‘yicha hozirgacha 210 nafar, “Daryo” hisob-kitobi bo‘yicha 219 kishi koronavirus asoratlaridan vafot etgan.
Izoh (0)