“Chelsi” yarim himoyachisi Villian erkin agent sifatida klubni tark etadi.
ESPN xabariga ko‘ra, braziliyalik futbolchi Londonning boshqa klubi — “Arsenal”ga o‘tadi. U “to‘pchilar” bilan 3 yillik shartnomaga imzo chekadi. Villian yangi jamoasi safida haftasiga 100 ming funt sterling maosh oladi. Transfer haqida avgust oyi so‘ngiga qadar rasmiy e’lon beriladi.
Villian “Chelsi” safida 2013-yil yozidan beri harakat qilib keladi. U bu vaqt davomida klub bilan ikki bor Angliya chempioni bo‘ldi va bir marta mamlakat kubogiga ega chiqdi.
Futbolchi Angliya Premyer Ligasining 2019/20-yilgi mavsumida 36 ta o‘yin o‘tkazib, 9 ta gol urdi va xuddi shuncha golli uzatmani amalga oshirdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)