Transferi huquqi “Manchester Yunayted”ga tegishli bo‘lgan chililik futbolchi Aleksis Sanches faoliyatini to‘laqonli tarzda “Inter”da davom ettiradigan bo‘ldi. Bu haqda milanliklar matbuot xizmati xabar berdi.
31 yoshli futbolchi “Inter” bilan 2023-yil 30-iyuniga qadar mo‘ljallangan bitim imzoladi. Qayd etilishicha, milanliklar Sanchesni tekinga qo‘lga kiritdi. Aleksis “Manchester Yunayted” bilan shartnomasini bekor qilgan holda “Inter” bilan erkin agent sifatida shartnoma tuzgan.
Avvalroq Sanchesning “Inter”da yiliga 7 million yevro maosh olishi ma’lum bo‘lgandi.
Aleksis Sanches 2019/20-yilgi mavsumni ijara asosida aynan “Inter” safida o‘tkazdi. U klub safida barcha musobaqalarda 29 ta o‘yin o‘tkazib, 4 ta gol urdi va 10 ta golli uzatmani amalga oshirdi. Hakamlar tomonidan 3 ta sariq va 1 ta qizil kartochka bilan siylandi.
Mavzuga doir:
- Bir necha yil oldin dunyoning eng yaxshi futbolchilaridan biri bo‘lgan, hozir esa hech kimga kerak bo‘lmay qolgan Aleksis Sanches haqida
- Sanchesdan Rabiogacha. A Seriyaning so‘nggi 2 yildagi eng omadsiz transferlaridan iborat ramziy terma jamoa
- Haftasiga deyarli 5 mlrd so‘m. Haddan tashqari katta maosh olayotgan futbol yulduzlari
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)