UFC’ning yarim yengil vazn toifasi vakili Zabit Magomedsharipov va Yair Rodriges o‘rtasidagi 29-avgustga belgilangan jang bekor qilindi. Bu haqda ESPN xabar bermoqda.
Zabit Magomedsharipovning yangi raqibi katta ehtimol bilan Kelvin Kattar bo‘lishi aytilmoqda. Tomonlarning 2019-yildagi jangida rossiyalik sportchi g‘alabani qo‘lga kiritgandi.
Ma’lumot uchun, Zabit MMA’da 19 ta jang o‘tkazib, ularning 18 tasida g‘alaba qozongan. Oltida jangda raqiblarini nokautga uchratgan. Bitta jangda esa mag‘lub bo‘lgan. Yair Rodriges esa MMA’da 15 ta jang o‘tkazib, ularning 13 tasida g‘alaba qozongan. To‘rtta jangda raqiblarini nokautga uchratgan. Ikkita jangda imkoniyatni boy berib qo‘ygan.
Zabit Magomedsharipov ishtirokidagi barcha janglarni tomosha qiling (video)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)