“Inter” hujumchisi Romelu Lukaku Yevropa Ligasi 1/8 finalidan o‘rin olgan bahsda “Xetafe” darvozasiga gol urdi (2:0).
Belgiyalik futbolchi musobaqaning ketma-ket 8 o‘yinidan buyon gol urib kelmoqda. Lukaku 2019/20-yilgi mavsum “Inter” safidagi uchta o‘yinda maydonni golsiz tark etmagan bo‘lsa, 2014/15-yilgi mavsumda “Everton” safida ketma-ket beshta o‘yinda golli seriya qayd etgandi.
Shu tariqa Romelu angliyalik sobiq hujumchi Alan Shirer tomonidan 2005-yilda o‘rnatilgan rekordni takrorladi. U vaqtda musobaqa UEFA Kubogi deb atalardi.
27 yoshli futbolchi A Seriya 2019/20-yilgi mavsumida 36 ta o‘yinda ishtirok etib, 23 ta golga muallif bo‘ldi va uch bor assist vazifasini bajardi.
Mavzuga doir: Romelu Lukaku shaxsiy rekordini yangiladi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)