«Интер» ҳужумчиси Ромелу Лукаку Европа Лигаси 1/8 финалидан ўрин олган баҳсда «Хетафе» дарвозасига гол урди (2:0).
Бельгиялик футболчи мусобақанинг кетма-кет 8 ўйинидан буён гол уриб келмоқда. Лукаку 2019/20 йилги мавсум «Интер» сафидаги учта ўйинда майдонни голсиз тарк этмаган бўлса, 2014/15 йилги мавсумда «Эвертон» сафида кетма-кет бешта ўйинда голли серия қайд этганди.
Шу тариқа Ромелу англиялик собиқ ҳужумчи Алан Ширер томонидан 2005 йилда ўрнатилган рекордни такрорлади. У вақтда мусобақа УЕФА Кубоги деб аталарди.
27 ёшли футболчи А Серия 2019/20 йилги мавсумида 36 та ўйинда иштирок этиб, 23 та голга муаллиф бўлди ва уч бор ассист вазифасини бажарди.
Мавзуга доир: Ромелу Лукаку шахсий рекордини янгилади
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)