Yevropada 2020-yilda eng kam vaqt sarflab, eng ko‘p gol urgan futbolchilar reytingi tuzildi. Ronaldu top-3 da, Messi esa top-10 da ham yo‘q

Angliyaning The Sun nashri maydonda o‘tkazgan vaqtidan kelib chiqib, 2020-yilda eng ko‘p gol urgan futbolchilar reytingini e’lon qildi.

Unga ko‘ra reytingda birinchi o‘rinni “Atalanta” hujumchisi Luis Muriel egalladi. U 2020-yilda 487 daqiqa o‘ynab, 8 ta gol urgan. Har bir gol uchun o‘rtacha 61 daqiqadan sarflagan.

Ikkinchi o‘rindan “Sampdoriya” hujumchisi Federiko Bonassoli joy olgan. Bonassoli 387 daqiqada 5 ta gol (o‘rtacha har bir gol uchun 77 daqiqa). Kuchli uchlikka esa “Yuventus” hujumchisi Krishtianu Ronaldu yakun yasab berdi. Ronaldu 1693 daqiqada 21 ta gol (har bir gol uchun o‘rtacha 81 daqiqa).

Qayd etish joiz, 2019/20-yilda “Oltin butsa” sovriniga ega chiqqan Chiro Immobile (36 ta gol) ushbu reytingda 10-o‘rinni egalladi. Italiyalik hujumchi 2020-yilda 1882 daqiqa o‘ynab, 19 ta gol urgan (o‘rtacha har bir gol uchun 99 daqiqa).

“Barselona” hujumchisi Lionel Messi esa mazkur ro‘yxatda kuchli o‘nlikka ham kira olmagan.

Kuboni nega «yapon Messisi» deyishadi deysizmi? Unda ushbu rolikni tomosha qiling (video)