“Chelsi” klubini transferlar oynasi vaqtida katta o‘zgarishlar kutmoqda, deya xabar qilmoqda The Times.
Londonliklar klubini o‘n nafarga yaqin futbolchi tark etishi mumkin. Darvozabon Kepa Arrisabalaga katta ehtimol bilan ijaraga yo‘l oladi, sababi qaysidir jamoa uni asosiy darvozabon sifatida sotib olishi haqiqatdan yiroq.
Shuningdek, jamoa Kurt Zuma, Andres Kristensen, Emerson va Markos Alonso borasidagi takliflarni qabul qilishga tayyor.
Bundan tashqari “Chelsi” 2019/20-yilgi mavsumning katta qismini jarohat sabab o‘tkazib yuborgan Ngolo Kanteni ham sotib yubormoqchi.
Hujumchi Mishi Batshuayining “ko‘klar” bilan amaldagi shartnomasi 2021-yilning yozida o‘z nihoyasiga yetadi. Shu tufayli londonliklar uni u yozda transfer qilish niyatida. Unga “Lids” jamoasidan qiziqish borligi xabar qilinmoqda.
Shuningdek, “Chelsi”ni erkin agent sifatida Villian va Pedro Rodriges kabi o‘yinchilar tark etadi.
Eslatib o‘tamiz, “Chelsi” o‘z safini hujumkor yarim himoyachi Hakim Ziyosh (“Ayaks”) va hujumchi Timo Verner (“Leypsig”) bilan to‘ldirib oldi. Shuningdek, jamoa “Bayer” yarim himoyachisi Kay Haverts bilan muzokaralar olib bormoqda va bir nechta darvozabonni kuzatuvga olgan.
Villianning 2019/20-yilgi mavsumda “Chelsi” safidagi yorqin harakatlarini tomosha qiling (video)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)