«Челси» клубини трансферлар ойнаси вақтида катта ўзгаришлар кутмоқда, дея хабар қилмоқда The Times.
Лондонликлар клубини ўн нафарга яқин футболчи тарк этиши мумкин. Дарвозабон Кепа Аррисабалага катта эҳтимол билан ижарага йўл олади, сабаби қайсидир жамоа уни асосий дарвозабон сифатида сотиб олиши ҳақиқатдан йироқ.
Шунингдек, жамоа Курт Зума, Андрес Кристенсен, Эмерсон ва Маркос Алонсо борасидаги таклифларни қабул қилишга тайёр.
Бундан ташқари «Челси» 2019/20 йилги мавсумнинг катта қисмини жароҳат сабаб ўтказиб юборган Нголо Кантени ҳам сотиб юбормоқчи.
Ҳужумчи Миши Батшуайининг «кўклар» билан амалдаги шартномаси 2021 йилнинг ёзида ўз ниҳоясига етади. Шу туфайли лондонликлар уни у ёзда трансфер қилиш ниятида. Унга «Лидс» жамоасидан қизиқиш борлиги хабар қилинмоқда.
Шунингдек, «Челси»ни эркин агент сифатида Виллиан ва Педро Родригес каби ўйинчилар тарк этади.
Эслатиб ўтамиз, «Челси» ўз сафини ҳужумкор ярим ҳимоячи Ҳаким Зиёш («Аякс») ва ҳужумчи Тимо Вернер («Лейпциг») билан тўлдириб олди. Шунингдек, жамоа «Байер» ярим ҳимоячиси Кай Ҳаверц билан музокаралар олиб бормоқда ва бир нечта дарвозабонни кузатувга олган.
Виллианнинг 2019/20 йилги мавсумда «Челси» сафидаги ёрқин ҳаракатларини томоша қилинг (видео)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)