Futbol bo‘yicha O‘zbekiston Coca-Cola Superligasining birinchi davra o‘yinlari markazlashgan holda Toshkent shahri va viloyatida o‘tkaziladi.
Bu haqida O‘FA, PFL va Superliga klublari rahbarlari o‘rtasida o‘tgan 3-avgust kungi yig‘ilishda ma’lum qilindi.
10—13-tur bahslari avgust oyi oxiriga qadar Toshkent shahri va Toshkent viloyatidagi stadionlarda bo‘lib o‘tadi. U-21 jamoalari o‘rtasidagi o‘yinlar esa sun’iy maydonlarda bo‘lib o‘tadi.
Klublar o‘rtasidagi kelishuvga ko‘ra hech qaysi jamoa o‘z maydonida to‘p surmaydi. Barcha o‘yinlar neytral maydonda o‘tadi. Klublar o‘zlari tanlab olgan qarorgohda istiqomat qiladi va u yerdan faqatgina mashg‘ulot hamda o‘yinlarga ruxsat etilgan avtomobilida qatnaydi.
“Chempionatning ikkinchi davrasi va hamda kubok uchrashuvlarining qay tartibda o‘tishi masalasi keyinroq muhokama etiladigan bo‘ldi. Buning uchun milliy terma jamoaning Tojikiston va Eronga qarshi o‘rtoqlik o‘yinlarida maydonga tushishi yoki tushmasligi masalasi to‘liq hal etilishi lozim. Shundan keyingina kuz fasli uchun navbatdagi rejalarni ishlab chiqish mumkin. Katta ehtimol bilan formatning o‘zgarishi mumkinligi, shundan kelib chiqib, jamoalar musobaqa jadvalidagi o‘rinlarini yaxshilab olish uchun jiddiy bel bog‘lashlari tushuntirildi. Holat bir necha oylik rejalar ishlab chiqish imkonini bermaydi. Terma jamoalardan tashqari OFK miqyosida o‘tadigan Osiyo Chempionlar Ligasi musobaqasi hamda O‘zbekiston mezbonligida o‘tadigan yoshlar o‘rtasidagi Osiyo chempionati masalasi bilan bog‘liq yangiliklar ham har qanday rejaga o‘z ta’sirini o‘tkazadi. PFL termalar bilan bog‘liq jarayonlar hal etilishiga, avia va temir yo‘l qatnovlari tiklanishiga hamda karantin qoidalarining yana bir qator me’yorlari o‘zgarishiga qarab keyingi rejalarni ochiqlab boraveradi”, — deyiladi PFL bayonotida.
Quyida o‘yinlar jadvali bilan tanishish mumkin. Qaysi uchrashuvning qaysi maydonda o‘tishiga yaqin kunlar ichida oydinlik kiritiladi.
Coca-Cola Superliga
9-tur
14-avgust, juma
“Buxoro” — “Bunyodkor”
10-tur
17-avgust, dushanba
“Nasaf” — “So‘g‘diyona”
“Bunyodkor” — “Metallurg”
OKMK — “Lokomotiv”
18-avgust, seshanba
“Qo‘qon-1912” — “Paxtakor”
“Mash’al — “Andijon”
“Qizilqum” — “Buxoro”
19-avgust, chorshanba
“Surxon” — “Navbahor”
11-tur
20-avgust, payshanba
“So‘g‘diyona” — “Bunyodkor”
21-avgust, juma
“Paxtakor” — “Nasaf”
“Andijon” — OKMK
“Lokomotiv” — “Qo‘qon-1912”
22-avgust, shanba
“Navbahor” — “Mash’al”
“Metallurg” — “Qizilqum”
“Buxoro” — “Surxon”
12-tur
24-avgust, dushanba
OKMK — “Navbahor”
“Surxon” — “Metallurg”
“Qizilqum” — “So‘g‘diyona”
25-avgust, seshanba
OKMK — “Navbahor”
“Surxon” — “Metallurg”
“Qizilqum” — “So‘g‘diyona”
26-avgust, chorshanba
“Mash’al — “Buxoro”
13-tur
27-avgust, payshanba
“Andijon” — “Paxtakor”
“Lokomotiv” — “Nasaf”
28-avgust, juma
“So‘g‘diyona” — “Surxon”
“Navbahor” — “Qo‘qon-1912”
“Bunyodkor” — “Qizilqum”
29-avgust, shanba
“Buxoro — OKMK
“Metallurg” — “Mash’al”.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)