“Arsenal” sobiq bosh murabbiyi Arsen Venger Chempionlar Ligasida qaysi jamoalarni favorit deb hisoblashi haqida gapirdi.
“ “Atalanta” yoki “Atletiko”ga qarshi o‘ynayotganingizda, har narsa narsa yuz berishi mumkin. Ammo men uchun “Manchester Siti” va PSJ imkoniyatlari jihatidan kelib chiqib favorit hisoblanadi. PSJ 3-4 yil oldingidan kuchliroq emasdek tuyulmoqda. O‘sha paytda raqobat ham kuchliroq edi. Biroq, menimcha, Yevropa futbolining sifati yuqori darajada va bu jamoalar hanuzgacha qit’aning eng kuchlilari qatorida. PSJning Chempionlar Ligasida g‘olib bo‘lmagani sabablarini izlamasligimiz kerak. Hatto “Real” ham 10-15 yil davomida turnirda g‘olib chiqmagan, keyin esa ketma-ket uch marotaba g‘alaba qozondi”, — deydi Venger.
Eslatib o‘tamiz, Chempionlar Ligasi 1/8 final bosqichida “Manchester Siti” “Real” bilan javob uchrashuvida maydonga tushadi. Birinchi o‘yin “shaharliklar”ning 2:1 hisobidagi g‘alabasi bilan yakunlangan.
PSJ esa tanaffusga qadar Chempionlar Ligasining chorak final yo‘llanmasini hal qilib bo‘lgan, mazkur bosqichda parijliklar “Atalanta” bilan o‘zaro kuch sinashadi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)