Buxoro viloyatining G‘ijduvon tumanida karantin bo‘lishiga qaramasdan mijozlariga xizmat ko‘rsatgan kafe egasi jarimaga tortildi. Bu haqda hudud profilaktika inspektoriga tayanib, “Daryo” muxbiri xabar berdi.
Ma’lum bo‘lishicha, G‘ijduvon tumanida yashovchi fuqaro Q.Q. turmush o‘rtog‘i D.D.ning nomiga rasmiylashtirilgan kafeni kuchaytirilgan karantin bo‘lishiga qaramasdan ishlatgan va xo‘randalarga xizmat ko‘rsatgan. Bu holat G‘ijduvon tuman IIO FMB HPB xodimlari tomonidan o‘tkazilgan tezkor tadbirda ma’lum bo‘lgan.
Kafeda mijozlariga yashirincha xizmat ko‘rsatgan er-xotinga nisbatan Ma’muriy javobgarlik to‘g‘risidagi kodeksning 54-moddasi 2-qismi (Epidemiyalarga qarshi kurash qoidalarini buzish) bilan jarima jazosi qo‘llanilgan.
Tadbir davomida karantin tarqalishining oldini olish yuzasidan aholi o‘rtasida targ‘ibot ishlari olib borilishiga qaramay, kafeda bo‘lgan mijozlarga ham ma’muriy bayonnoma tuzilib, jarima qo‘llanilgan.
Izoh (0)