Amerikada koronavirusga qarshi yaratilayotgan testlarning aksariyati — vaqtning bekorga sarflanishiga sabab bo‘lmoqda, chunki ularning natijasi juda uzoq kutiladi. Bu haqda Microsoft asoschisi Bill Geyts CNBC telekanaliga bergan intervyusida ma’lum qildi.
“Ushbu ahmoqgarchilikdagi eng oddiy narsa — natijani 48 soatdan ortiq kutib, hech kimga test pulini to‘lashingiz kerak emasligida… Ushbu test — vaqtni bekorga sarflash. O‘tkazilgan testlar soniga oid raqamlarning aksariyati — bu vaqtni behuda sarflash”, — deydi biznesmen.
Bill Geytsning fikricha, test natijalarini imkon qadar tezroq chiqishini yo‘lga qo‘yish kerak, chunki koronavirusga chalingan bemor boshqalarga kasallik yuqtirmasligi uchun shunga qarab o‘z xatti-harakatlarini o‘zgartiradi. Shuningdek, u kam daromadli fuqarolar tahlillar natijasini 24 soatdan ortiq kutmasliklari kerakligini ta’kidlagan.
Quest Diagnostics kompaniyasi ma’lumotlariga ko‘ra, 28-iyul oqshomi holatiga ko‘ra hayoti o‘ta xavf ostida bo‘lgan bemorlar, xususan, kasalxonalardagi bemorlar, operatsiya qilinishi kerak bo‘lgan bemorlar va kasallik alomatlari kuzatilayotgan tibbiyot xodimlarining test natijalarini olish o‘rtacha ikki kundan ko‘proq vaqt olayotgan edi. Qolgan bemorlarning test natijasiga esa yetti kun vaqt ketadi.
AQShda pandemiya boshlanganidan buyon koronavirusga 53 million test o‘tkazilgan bo‘lib, ularning 5 millioni musbat chiqqan. Biroq bu mamlakatdagi kasallar soniga mos kelmaydi, chunki bir kishi bir martadan ortiq testdan o‘tgan bo‘lishi mumkin.
Eslatib o‘tamiz, iyun oyida Microsoft korporatsiyasi asoschisi koronavirusga qarshi vaksina niqobi ostida odamlarni ommaviy chiplashtirayotgani haqidagi ayblovlarga munosabat bildirgan edi.
Izoh (0)