“Malyorka” yarim himoyachisi Luka Romero o‘zini “Barselona” hujumchisi Lionel Messi bilan taqqoslashlariga munosabat bildirdi.
“Meni Messi bilan taqqoslashlari g‘azablantiradi, chunki Messi bitta, men esa libosimda Luka Romero ismi yozilishini xohlayman. Meksikada tug‘ilganman, ammo oilam asli argentinalik, uchta millatga aloqam bor. Agar Argentina meni taklif etsa, bunga rozi bo‘laman. “Malyorka”da pleymeyker sifatida o‘ynashni yaxshi ko‘raman. Odatda pleymeyker sifatida, agar buning imkoni bo‘lmasa, o‘ng qanotda o‘ynayman. Bu yerga kelgach, o‘yinim anchagina o‘sdi. Avval foydalanmagan o‘ng oyog‘imni ko‘proq ishlatishni boshladim”, — deydi Romero.
Eslatib o‘tamiz, Luka Romero (2004-yilda tug‘ilgan) La Liga tarixidagi eng yosh o‘yinchi hisoblanadi.
Romero La Ligada debyut qilganida 15 yosh-u 219 kunlik edi. Bundan oldingi rekord “Selta” sobiq futbolchisi Sansonga tegishli bo‘lgan. U 1939-yilning dekabr oyida 15 yoshu 255 kunligida musobaqada debyut qilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)