Ла Лига тарихидаги энг ёш ўйинчи: Месси билан таққослашлари мени ғазаблантиради

«Мальорка» ярим ҳимоячиси Лука Ромеро ўзини «Барселона» ҳужумчиси Лионель Месси билан таққослашларига муносабат билдирди.

«Мени Месси билан таққослашлари ғазаблантиради, чунки Месси битта, мен эса либосимда Лука Ромеро исми ёзилишини хоҳлайман. Мексикада туғилганман, аммо оилам асли аргентиналик, учта миллатга алоқам бор. Агар Аргентина мени таклиф этса, бунга рози бўламан. «Мальорка»да плеймейкер сифатида ўйнашни яхши кўраман. Одатда плеймейкер сифатида, агар бунинг имкони бўлмаса, ўнг қанотда ўйнайман. Бу ерга келгач, ўйиним анчагина ўсди. Аввал фойдаланмаган ўнг оёғимни кўпроқ ишлатишни бошладим», — дейди Ромеро.

Эслатиб ўтамиз, Лука Ромеро (2004 йилда туғилган) Ла Лига тарихидаги энг ёш ўйинчи ҳисобланади.

Ромеро Ла Лигада дебют қилганида 15 ёш-у 219 кунлик эди. Бундан олдинги рекорд «Сельта» собиқ футболчиси Сансонга тегишли бўлган. У 1939 йилнинг декабрь ойида 15 ёшу 255 кунлигида мусобақада дебют қилганди.

Роналдиньо, Ривалдо ва Мессининг «Барселона» сафидаги илк голлари ёдингиздами? Уларни томоша қилинг (видео)