“Barselona” hujumchisi Lionel Messi La Liga 2019/20-yilgi mavsumida muvaffaqiyatli aldab o‘tishlar soni bo‘yicha tengsiz deb topildi.
Marca xabariga ko‘ra, argentinalik forvard mavsum davomida 182 ta muvaffaqiyatli driblingni amalga oshirgan. Ushbu ko‘rsatkich bo‘yicha ikkinchi o‘rinni 98 ta muvaffaqiyatli aldab o‘tish bilan “Betis” yarim himoyachisi Nabil Fekir egalladi.“Vilyarreal” o‘yinchisi Andre Zambo-Angiss (86) esa kuchli uchlikka yakun yasab berdi.
Qayd etish o‘rinli, Messi so‘nggi 10 yil ichida 6 bor La Ligada mazkur ko‘rsatkich bo‘yicha eng yaxshisi bo‘lgan. 2010/2011-yilgi mavsumda argentinalik raqiblarini 186 marotaba aldab o‘tgan. Oxirgi 12 yil ichida biron bir futbolchi bunday ko‘rsatkichga yaqinlasha olmagan.
Muxlislar talqiniga ko‘ra, Lionel Messining top-10 goli (video)
2019/20-yilgi mavsum yakunlariga ko‘ra, “Barselona” 82 ochko bilan La Ligada 2-o‘rinni egalladi. “Real” esa katalon klubini 5 ochkoga ortda qoldirib musobaqa g‘olibligini qo‘lga kiritdi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)