Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi Komil Allamjonov O‘zbekistonda koronavirus pandemiyasiga qarshi kurashda “zudlik bilan to‘g‘ri davolash tizimini yo‘lga qo‘yish” lozimligini ta’kidladi.
Masala jiddiy, tanlov og‘ir, xato qilish imkoniyati 90 foiz. Karantin qattiq bo‘lsa, uydagi bemorlarga qiyin (ular asosiy — 80 foiz qatlam) agar yengil bo‘lsa og‘ir bemorlar (15 foiz qatlam) va o‘limlar (2-4 foiz qatlam) soni ortib ketadi, eplab bo‘lmaydigan darajada. Iqtisodiyot, biznes, yeb-ichish, qarzlarni-ku gapirmasa ham bo‘ladi.Vasiylik kengashi raisi shuningdek, mamlakatda qat’iy karantin choralarini joriy etilishiga ham to‘xtalib o‘tgan. “Tez yordam” ko‘rsatuvining 25-iyul kungi sonida avtomobillar harakati cheklangani sabab, shifoxonalar oldida bemorlar to‘planib qolayotgani, bu esa tibbiyot muassasalariga qo‘shimcha yuklama olib kelayotgani ma’lum qilingan. Defactum Laboratories klinikasining immunolog-infeksionisti, tibbiyot fanlari nomzodi Aziza Xo‘jayeva qat’iy karantindan ma’no qolmaganini ta’kidlagan.Eng yomoni, qanchalik karantin saqlamaylik vaksina yaratilib bizga yetib kelgunicha bir yarim yildan ikki yilgacha vaqt o‘tadi. Agar shu davr mobaynida iqtisodiyotni ham o‘ldirib qo‘ysak ertaga vaksina sotib olishga ham imkoniyat bo‘lmaydi. Vaksinalarni kimdir bizga sovg‘a qilsa yoki olib bersa evaziga yurtimizdan nimanidir yulib oladi. Bekorga yordam beradigan ahmoq aniq yo‘q. Na katta biznesmenlar va na katta davlatlar. O‘zimizning aravamizni o‘zimiz tortmas ekanmiz ahvol yaxshilanmaydi. Bu nima degani? Birinchi navbatda, barcha qatlamdagi shifokorlar, hamshiralarga to‘g‘ri davolashni zudlik bilan o‘rgatish kerak. Juda og‘ir jarayon emas bu. Tayyor davolash protokoli bor. Shuni bir marta o‘qib chiqib, hech bo‘lmasa mumkin bo‘lmagan dorilarni bilib olsa bo‘ldi. Shu ham katta muvaffaqiyat hozirgi sharoitda. Yengil tuzalishi mumkin bo‘lgan bemorlar aksariyat holatda aynan shu noto‘g‘ri tavsiya va dorilarni deb og‘irlashyapti yoki o‘lyapti.
Bugun men shuni tushunib yetdimki, eng birinchi navbatda hoziroq, zudlik bilan to‘g‘ri davolash tizimini yo‘lga qo‘yishimiz shart. Asl muammo o‘sha yerda. Qisqa o‘quv dasturi yaratib barcha tibbiyot qatlamini minimum qisqa kursda o‘qitish kerak. Aks holda hamma bilganicha davolayapti va davolanyapti. Oqibatda muammolar soni ortib, kasalxonalarda joy qolmayapti.
Xullas ahvol og‘ir. Yechimi ham. Kelajakdagi yagona yo‘l esa har bir inson o‘zini o‘zi ehtiyot qilishni o‘rganishi, niqob taqishni kanda qilmaslik va kasal bo‘lib qolganda to‘g‘ri davolanishi kerak. Zudlik bilan shunday yashashni o‘rganmas ekanmiz faqat og‘irlashaveradi ahvolimiz. Ustiga ustak kollektiv immunitetga ham vaqt kerak (agar rost bo‘lsa shunday immunitet shakllanishi).
Komil Allamjonov, Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi
Eslatib o‘tamiz, Respublika maxsus komissiyasi qarori bilan O‘zbekistonda karantin cheklovlari 15-avgustga qadar uzaytirildi.
Izoh (0)