Glazgo universiteti olimlari ekran qarshisida uzoq o‘tirmaslik yurak-qon tomir kasalliklari va o‘lim xavfini kamaytirishini aniqladi, deb xabar beradi BBC.
Mutaxassislar uzoq vaqt keng ko‘lamli tadqiqotlarni o‘tkazgan. 2006-yildan 2018-yilga qadar o‘tkazilgan tadqiqotlarda 37 yoshdan 73 yoshgacha bo‘lgan 500 ming ko‘ngilli ishtirok etgan.
Ma’lum bo‘lishicha, kuniga ekran qarshisida ikki soatdan kamroq o‘tiradigan insonlarda saraton va yurak-qon tomir kasalliklarining rivojlanish xavfi juda kam qayd etilgan.
Smartfon, kompyuter va boshqa gadjetlardan foydalanishni kuniga ikki soatga chegaralash respondentlar orasida o‘lim holatini 5,6 foizga kamaytirgan bo‘lardi. Yurak-qon tomir kasalliklari oqibatida vafot etish xavfi esa 8 foizga kamayadi.
Glazgo universitetidan bo‘lgan doktor Xemish Fosterning ta’kidlashicha, ekran qarshisida uzoq o‘tirish kamharakat hayot tarziga olib keladi, bu esa o‘z navbatida inson sog‘lig‘iga salbiy ta’sir ko‘rsatadi.
Avvalroq AQSh va Yaponiyaning nufuzli universiteti olimlari, miyaning tonusda bo‘lishi va bir qator kasalliklarga chalinishning oldini olish uchun qahva ichish va shokolad yeyish kerak degan xulosaga kelgan edi.
Mavzuga doir: Go‘sht iste’mol qilish umrni qisqartirishi ma’lum bo‘ldi