O‘zbekistonda 2020-yil 21-iyul soat 23:30 holatiga ko‘ra, yana 126 kishining koronavirus infeksiyasiga chalingani aniqlandi va kasallanganlarning umumiy soni 17 881 nafarga yetdi. Bu haqda Sog‘liqni saqlash vazirligi xabar qilgan.
Yangi kasallanish holatlarining
- 84 tasi Toshkent shahrida tana harorati ko‘tarilganligi tufayli profilaktika maqsadida hamda koronavirusga chalingan bemorlar bilan muloqotda bo‘lganligi sababli namuna olingan fuqarolar orasida;
- 34 tasi Qashqadaryo viloyatida;
- 8 tasi Toshkent viloyatida profilaktika maqsadida hamda koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan.
Kun davomida Toshkent tibbiyot akademiyasi klinikasida 5 nafar, poytaxtda uy sharoitida 8 nafar, Samarqand viloyatidagi tibbiyot muassasasida 36 nafar, Qoraqalpog‘istonda 6 nafar, Sirdaryo viloyatida 3 nafar, jami 58 nafar bemor tuzaldi.
O‘zbekistonda infeksiyadan forig‘ bo‘lganlarning umumiy soni 9521 nafarni (53 foizni) tashkil qilmoqda. 8265 nafar bemorga shifokorlar tomonidan belgilangan standartlar bo‘yicha davo choralari ko‘rilmoqda.
Izoh (0)