Rossiyada so‘nggi sutkada koronavirusga chalinish bo‘yicha 5940 ta yangi holat qayd etildi, deb xabar bermoqda Meduza Koronavirusga qarshi kurash bo‘yicha tezkor shtabning 20-iyul kungi ma’lumotlariga tayanib. Bir kun avval 6109 ta yangi holat aniqlangani xabar qilingan.
Yangi kasallanish holatlarining aksariyati Moskva shahrida (578 kishi), Xanti-Mansiysk avtonom okrugida (236 kishi) va Sverdlov viloyatida (234 kishi) qayd etilgan.
Mamlakatda epidemiya boshlanganidan buyon 777 486 kishi mazkur infeksiyani yuqtirib olgan. So‘nggi sutkada ushbu bemorlarning 85 nafari, umumiy hisobda esa 12 427 nafari vafot etgan.
Shuningdek, kasallanganlarning 553 602 nafari sog‘aygan, xususan, sutka davomida 3258 kishiga kasalxonadan javob berilgan.
“Rospotrebnadzor” bergan ma’lumotlarga ko‘ra, mamlakatda koronavirusni aniqlash bo‘yicha so‘nggi bir sutkada 259 mingta test o‘tkazilgan bo‘lsa, shu paytga qadar o‘tkazilgan testlar soni 25,2 milliontaga yetgan.
Izoh (0)