Saudiya Arabistoni podshohi Salmon bin Abdulaziz as-Saud Ar-Riyoddagi shifoxonaga yotqizildi. Bu haqda mamlakat matbuot agentligi xabar berdi.
Ma’lumotlarga ko‘ra, podshoh o‘t pufagining yallig‘lanishi tufayli tibbiy ko‘rikdan o‘tkaziladi.
Ma’lumot uchun, podshoh Salmon 84 yoshda. U 1953-yili, 18 yoshga to‘lganida podshoh vakili va Ar-Riyod amiri etib tayinlangan. Oradan o‘n yil o‘tgach Salom Ar-Riyod viloyati gubernatoriga aylangan va 2011-yilga qadar ushbu lavozimda faoliyat yuritgan. Bu davr oralig‘ida u Ar-Riyod shahri rivojlangan, shahar aholisi 150 ming kishidan million kishiga qadar (1980-yil) yetgan. Hozirda Saudiya Arabistoni poytaxtida 7 milliondan ortiq aholi istiqomat qilib keladi.
2011-yilda Salmon bin Abdulaziz as-Saud mudofaa vaziri lavozimiga tayinlangan, shuningdek, Milliy xavfsizlik kengashi tarkibidan o‘rin olgan. Bir yildan kamroq vaqt ichida — 2012-yilning iyunida u merosxo‘r shahzoda va bosh vazir o‘rinbosariga aylangan.
Salmon bin Abdulaziz as-Saud 2015-yilning yanvarida podshoh Abdulla vafot etgach, taxtga kelgan.
So‘nggi ma’lumotlarga ko‘ra, Saudiya Arabistonida koronavirusga chalinganlar soni 250 ming kishidan, virus qurbonlari soni 2,4 ming kishidan oshgan.
Izoh (0)