Россияда сўнгги суткада коронавирусга чалиниш бўйича 5940 та янги ҳолат қайд этилди, деб хабар бермоқда Meduza Коронавирусга қарши кураш бўйича тезкор штабнинг 20 июль кунги маълумотларига таяниб. Бир кун аввал 6109 та янги ҳолат аниқлангани хабар қилинган.
Янги касалланиш ҳолатларининг аксарияти Москва шаҳрида (578 киши), Ханти-Мансийск автоном округида (236 киши) ва Свердлов вилоятида (234 киши) қайд этилган.
Мамлакатда эпидемия бошланганидан буён 777 486 киши мазкур инфекцияни юқтириб олган. Сўнгги суткада ушбу беморларнинг 85 нафари, умумий ҳисобда эса 12 427 нафари вафот этган.
Шунингдек, касалланганларнинг 553 602 нафари соғайган, хусусан, сутка давомида 3258 кишига касалхонадан жавоб берилган.
«Роспотребнадзор» берган маълумотларга кўра, мамлакатда коронавирусни аниқлаш бўйича сўнгги бир суткада 259 мингта тест ўтказилган бўлса, шу пайтга қадар ўтказилган тестлар сони 25,2 миллионтага етган.
Изоҳ (0)