“O‘zgidromet” xabariga ko‘ra, 17-iyul, juma kuni mamlakat janubi-sharqiy hududlariga Turkmanistondan bulutli havo oqimlari kirdi. Markaziy, janubiy va sharqiy tumanlarda havo o‘zgarib turadi, yog‘ingarchilik bo‘lmaydi.
Respublikaning tog‘li va tog‘oldi hududlarida qisqa muddatli momaqaldiroqli yomg‘ir yog‘ishi mumkin. Mamlakat shimoli va cho‘l zonasida havo kam bulutli bo‘ladi. Harorat 37-40 daraja issiq atrofida bo‘ladi.
Dam olish kunlari butun respublika hududiga xorijiy janubdan issiq va quruq havo tarqaladi. Kunduzgi harorat 39-42 darajagacha ko‘tariladi. Qayd etilishicha, bu yoz chillasi uchun me’yoriy qiymatlardan 4-6 darajaga yuqoridir.
Eslatib o‘tamiz, “O‘zgidromet” 13-iyuldan boshlab haftaning oxirigacha O‘zbekiston hududidagi ob-havoni atmosferadagi past bosimli maydon belgilashi, bunday holat uchun odatda chilla davrida kuzatiladigan juda issiq havo xosligini ma’lum qilgandi.
Izoh (0)