O‘zbekistonda koronavirus bo‘yicha savollarga 1003 raqami orqali javob beradigan Call-markaz xodimi “Troll.uz” kanaliga markazdagi vaziyat, ish sharoitlari va kelib tushayotgan murojaatlarga xizmat ko‘rsatish holati haqida gapirib berdi.
Xodimning ma’lum qilishicha, mazkur Call-markazda ishlaydigan xodimlar ish haqi olmaydi. Ko‘pchilikdan quyidagi rasmda ko‘rsatilgan bildirishnomaga qo‘l qo‘ydirib olingan. “Bo‘lmasa, asosiy ish joyimizdan ayrilamiz. Ko‘ngilli bo‘lib ishlayotganlar ham bor”, — deydi u.
Markaz xodimining aytishicha, fuqarolar 103 raqamiga qo‘ng‘iroq qilsa, 1003 raqamiga tushadi, markaz xodimlari esa so‘rovni 103 raqamiga yuboradi, lekin ko‘p hollarda tez yordam so‘rov tushgan joyga bormaydi.
“Bizga SEOM, poliklinika bosh shifokorlari, hokimiyat telefon raqamlari berilgan, lekin hech qaysisi javob bermaydi. 1003 ning o‘zida hech qanday vakolat yo‘q. Biz shunchaki qo‘ng‘iroqlar orqali kelgan so‘rovlarni yo‘naltiradigan xizmatmiz” , — deya ta’kidlaydi xodim.
Uning so‘zlariga ko‘ra, har bir tushgan so‘rovga 15 kun ichida xizmat ko‘rsatish kerak. “Lekin 15 kunda kasallangan inson bilan nimalar bo‘lmaydi?”, — deya savol qo‘ygan markaz ko‘ngillisi. Uning qo‘shimcha qilishicha, 10-iyulda tushgan so‘rovlarga hali ham xizmat ko‘rsatilmagan. Markaz tizimida xizmat ko‘rsatilmagan so‘rovlar ko‘rinib turadi.
Shuningdek, poliknikalardagilar bemorlarga shunchaki maslahat bermoqda. “Bu maslahat nimani hal qiladi? Buni o‘zimiz ham berishimiz mumkin. Amaliy yordam berishmayapti”, — deb ta’kidlaydi xodim.
Ovqatlanishga vaqt ajratilmagan. Ko‘chada ovqatlanamiz yoki uydan olib kelamiz. Tushlikni soat 17:00—19:00 da qilamiz. Kechasi soat 00:00—01:00 da esa kechki ovqat.Avvalroq O‘zbekistonda koronavirusning alomatsiz shaklini uyda davolash bo‘yicha savollarga javob beradigan Call-markaz ishga tushgani haqida xabar berilgandi. Bu markaz 1003 raqami orqali maslahat berishi belgilangan.Oilamizda ko‘p odam bor. Ularga virus yuqtirmoqchi emasligim tufayli tez yordamdan Call-markazga o‘tdim. Tez yordamdagi ko‘p xodimlar virusni yuqtirib oldi.
Shtab bo‘shayapti. Ba’zilar ishlashdan bosh tortmoqda. Shuning uchun magistr va ordinatorlarni jalb qilishyapti.
Tez yordamda ishlaganimda shaxsan o‘zim virusdan kuniga 3-4 kishining o‘limining guvohi bo‘lganman. Yangiliklarda buni ko‘rsatishmayapti. Aniq statistika yo‘q. Rasmiy statistikaga ko‘pchilik ishonmayapti.
Bosh prokurorning 15 daqiqada tez yordam yetib keladi degan gaplari faqat Prezident uchun aytilgan. Mashina va xodimlarning o‘zi yo‘q bo‘lsa, bir kunda 600 talab so‘rov tushsa, qayerdan yetib keladi? Prokuratura ishonch telefonlari ham ishlamaydi. 1007 ga telefon qilib ko‘ring, ishonmasangiz. Qancha bemorlar shikoyat qilishyapti.
Call-markaz xodimi
Prezident Shavkat Mirziyoyev 15-iyul kuni Toshkent shahri va Toshkent viloyatida pandemiya bilan bog‘liq vaziyat muhokamasiga bag‘ishlangan videoselektor yig‘ilishida Call-markazlarning aloqa vositalari va operatorlari sonini kamida ikki barobarga oshirish bo‘yicha topshiriq berildi.
Shuningdek, yig‘ilishda Toshkentda oxirgi 3 kunda tez yordamning vaqtida yetib bormagani sababli 43 kishi turli kasalliklar bilan vafot etgani ma’lum qilindi.
Shundan so‘ng O‘zbekistonda fuqarolarning COVID-19 haqidagi savollariga javob beradigan Call-markazlar faoliyat boshladi.
Izoh (0)