Tarmoq barqarorligini ta’minlash va eng maqbul va munosib kelajakni birgalikda barpo etish yo‘lida.
Huawei 2019-yilga doir Barqaror Taraqqiyot hisobotini e’lon qildi.Hisobotda Huawei kompaniyasi o‘tgan yilda tarmoq barqarorligi va xavfsizligini ta’minlash, atmosferaga chiqariladigan zararli gazlarni kamaytirish, iqlim o‘zgarishiga tezkor munosabat bildirish, TECH4ALL raqamli ulanishiga oid harakatlar rejasini amalga oshirish, shu bilan birga, BMT barqaror taraqqiyot jabhasidagi maqsadlarni qo‘llab-quvvatlash borasida erishgan yutuqlari haqida gap boradi.
Tarmoq barqarorligini ta’minlash Huawei kompaniyasining ijtimoiy mas’uliyati va missiyasining muhim qismi sifatida qolmoqda.Zilzila, tayfun, sunami va hatto qurolli ziddiyatlar singari favqulodda vaziyatlar paytida ham, Huawei xodimlari kommunikatsion tarmoqlarni tiklash va ularning hech qanday uzilishlarsiz ishlashini ta’minlash maqsadida inqiroz markazida bo‘lmoqdalar. 2019-yilda Huawei kompaniyasi 200 dan ortiq yirik ko‘lamli halokatlar va tabiiy ofatlar paytida tarmoqlarning uzluksiz faoliyatini ta’minlashga muvaffaq bo‘lgan.
“O‘tgan yili biz avval hech qachon uchramagan muammolarga duch keldik.Ammo matonat bilan kurashdik”, - deydi Lyan Xua (Liang Hua), Huawei Boshqaruv kengashining raisi.“Nosozliklarni bartaraf etish uchun murakkab sharoitlarda tunu-kun mehnat qilib, biznesning uzluksiz faoliyatini ta’minladik hamda mijozlarimizga mahsulot va xizmatlarni o‘z vaqtida taqdim qildik. Dunyoning 170 tadan ortiq mamlakatlarida umumiy qiymati yuzlab milliard dollarga teng bo‘lgan aloqa tarmoqlarini qurishda yordam berdik.Mazkur tarmoqlarning barqaror ishlashini ta’minlash va odamlarga eng ilg‘or va hamyonbop texnologiyalarni taqdim etish – bu nafaqat bizning maqsadimiz, balki ijtimoiy mas’uliyatimizning bosh g‘oyasidir”.
Shuningdek, Huawei kompaniyasi CO2 zararli gazining atmosferaga chiqarilishini kamaytirish, sirkulyar iqtisodiyot va qayta tiklanuvchi energiya manbalarini rivojlantirishga oid o‘rta va uzoq muddatli maqsadlarini ommaga oshkor qildi, shu bilan bir qatorda, ushbu yo‘nalishda 2019-yilda erishilgan yutuqlar haqida axborot berdi.
Zararli gazlarning atmosferaga chiqarilishini kamaytirish yo‘nalishida olib borilgan ishlar natijasida, Huawei kompaniyasi tayyorlaydigan asosiy mahsulotning energiya samaradorligi 22%gacha oshirildi. 2019-yilda Huawei 1,25 mlrd kVt/s toza energiyadan foydalandi, bu esa o‘z navbatida atmosferaga chiqariladigan 570 000 tonna CO2 gazining kamayishiga zamin yaratdi.
Sirkulyar iqtisodiyotga o‘z hissasini qo‘shish maqsadida, Huawei kompaniyasi mahsulotga tegishli butun xizmat davri mobaynida resurslardan imkon qadar ko‘proq foydalanishga intiladi. Masalan, kompaniya tomonidan qaytarilgan 86% mahsulot qayta ishlatilgan bo‘lib, faqatgina 1,24% miqdoridagi elektron chiqindilar yaroqsiz deb topilgan.
Bundan tashqari, Huawei qayta tiklanuvchi energiya manbalarini ko‘proq tasarruf etishga harakat qilmoqda.Huawei kampuslari hududida qurilgan fotoelektr (FE) moslamalarning umumiy quvvati 19,35 MVtni tashkil qiladi, 2019-yilda esa 13,57 mln. kVt-soat elektr energiyasi ishlab chiqarildi.Kompaniya o‘zining intellektual fotoelektrik yechimlarini yana-da kengroq miqyosda ham qo‘llamoqda. Xususan, bunga Argentinadagi Jujuy provinsiyasida qurilayotgan quvvati 300 Mvt bo‘lgan quyosh elektr stansiyasiga tegishli loyihani misol qilish mumkin.Ushbu quyosh elektr stansiyasi yiliga 660 million kVt/soat elektr energiyasini ishlab chiqarib, 160 000 ta uyni quvvat bilan ta’minlay oladi.
Huawei kompaniyasi raqamli texnologiyalarni kelgusida yanada rivojlantirish va ulardan foydalanish imkoniyatini hamohang tarzda osonlashtirishga intiladi.2019-yilda Huawei qurilishga oid sarf-xarajatlarni sezilarli darajada kisqartiradigan va uzoq aholi punktlarida yashaydigan 40 milliondan ortiq insonlarni aloqa bilan ta’minlaydigan RuralStar Lite yechimini ishga tushirdi.Mazkur yechim barcha turdagi relyeflarda, shu jumladan, tekislik, qoyali hududlar, sahro va orollarda yo‘lga qo‘yilishi mumkin.Shu bilan birga, Huawei sheriklari bilan hamkorlik o‘rnatib, mobil DigiTruck raqamli tasnifi loyihasi doirasida uzoq hududlarda istiqomat qiladigan 800 nafarga yaqin keniyaliklarni raqamli texnologiyalarga o‘qitishda ko‘maklashdi.2019-yilning sentabr oyida Huawei YuNESKO tashkilotining Sharqiy Afrikadagi mintaqaviy byurosi bilan o‘zaro anglashuv memorandumini imzoladi. Ikkala taraf “DigiTruck” loyihasini amalga tatbiq etib, imkon qadar ko‘proq mamlakatlarni qamrab olish, hamda barcha afrikaliklar uchun raqamli ko‘nikmalardan foydalanishni osonlashtirish maqsadida birgalikda ish olib boradilar.
Huawei hisobotida yozilganidek, AKT BMTning barqaror taraqqiyot jabhasidagi Maqsadlariga erishishda hal qiluvchi vazifani bajaradi. Shu bois kompaniya butun sohani ijtimoiy-iqtisodiy taraqqiyot, atrof-muhit muhofazasi va insoniyat farovonligi yo‘lida hamkorlikda ishlashga chaqiradi.
“Huawei umumiy muvaffaqiyatga erishish uchun ochiqlik va sheriklik kuchiga ishonadi.Biz gullab-yashnaydigan industrial ekotizimni barpo qilish maqsadida, ta’minotchilarimiz singari sohaviy hamkorlar bilan ishlamoqdamiz”, - deb ta’kidladi Tao Szinven (Tao Jingwen),Huawei kompaniyasining boshqaruv kengashi a’zosi va Barqaror korporativ taraqqiyot bo‘yicha qo‘mita raisi.“Biz ushbu qiyinchiliklarni yengib o‘tishimizga mutlaqo ishonchimiz komil. Ushbu yo‘nalishda olg‘a intilamiz hamda mijozlarimiz va dunyo aholisi uchun qiymatlar yaratishda davom etamiz”.
O‘zbekistonda Huawei kompaniyasi 20 yildan buyon faoliyat yuritib, barqaror rivojlanish maqsadlariga amal qilgan holda, innovatsion texnologiyalarni taqdim etmoqda hamda ta’lim, sog‘liqni saqlash va iqlim o‘zgarishlaridan yuzaga keladigan oqibatlar bilan kurashish kabi sohalarni qo‘llab-quvvatlashga qaratilgan loyihalarni amalga oshirmoqda.
To‘liq hisobot matnini bu yerdan yuklab olishingiz mumkin www.huawei.com/en/sustainability/sustainability-report
Reklama huquqi asosida.
Izoh (0)