Тармоқ барқарорлигини таъминлаш ва энг мақбул ва муносиб келажакни биргаликда барпо этиш йўлида.
Huawei 2019 йилга доир Барқарор Тараққиёт ҳисоботини эълон қилди.Ҳисоботда Huawei компанияси ўтган йилда тармоқ барқарорлиги ва хавфсизлигини таъминлаш, атмосферага чиқариладиган зарарли газларни камайтириш, иқлим ўзгаришига тезкор муносабат билдириш, TECH4ALL рақамли уланишига оид ҳаракатлар режасини амалга ошириш, шу билан бирга, БМТ барқарор тараққиёт жабҳасидаги мақсадларни қўллаб-қувватлаш борасида эришган ютуқлари ҳақида гап боради.
Тармоқ барқарорлигини таъминлаш Huawei компаниясининг ижтимоий масъулияти ва миссиясининг муҳим қисми сифатида қолмоқда.Зилзила, тайфун, сунами ва ҳатто қуролли зиддиятлар сингари фавқулодда вазиятлар пайтида ҳам, Huawei ходимлари коммуникацион тармоқларни тиклаш ва уларнинг ҳеч қандай узилишларсиз ишлашини таъминлаш мақсадида инқироз марказида бўлмоқдалар. 2019 йилда Huawei компанияси 200 дан ортиқ йирик кўламли ҳалокатлар ва табиий офатлар пайтида тармоқларнинг узлуксиз фаолиятини таъминлашга муваффақ бўлган.
«Ўтган йили биз аввал ҳеч қачон учрамаган муаммоларга дуч келдик.Аммо матонат билан курашдик», - дейди Лян Хуа (Liang Hua), Huawei Бошқарув кенгашининг раиси.«Носозликларни бартараф этиш учун мураккаб шароитларда туну-кун меҳнат қилиб, бизнеснинг узлуксиз фаолиятини таъминладик ҳамда мижозларимизга маҳсулот ва хизматларни ўз вақтида тақдим қилдик. Дунёнинг 170 тадан ортиқ мамлакатларида умумий қиймати юзлаб миллиард долларга тенг бўлган алоқа тармоқларини қуришда ёрдам бердик.Мазкур тармоқларнинг барқарор ишлашини таъминлаш ва одамларга энг илғор ва ҳамёнбоп технологияларни тақдим этиш – бу нафақат бизнинг мақсадимиз, балки ижтимоий масъулиятимизнинг бош ғоясидир».
Шунингдек, Huawei компанияси CO2 зарарли газининг атмосферага чиқарилишини камайтириш, циркуляр иқтисодиёт ва қайта тикланувчи энергия манбаларини ривожлантиришга оид ўрта ва узоқ муддатли мақсадларини оммага ошкор қилди, шу билан бир қаторда, ушбу йўналишда 2019 йилда эришилган ютуқлар ҳақида ахборот берди.
Зарарли газларнинг атмосферага чиқарилишини камайтириш йўналишида олиб борилган ишлар натижасида, Huawei компанияси тайёрлайдиган асосий маҳсулотнинг энергия самарадорлиги 22%гача оширилди. 2019 йилда Huawei 1,25 млрд кВт/с тоза энергиядан фойдаланди, бу эса ўз навбатида атмосферага чиқариладиган 570 000 тонна CO2 газининг камайишига замин яратди.
Циркуляр иқтисодиётга ўз ҳиссасини қўшиш мақсадида, Huawei компанияси маҳсулотга тегишли бутун хизмат даври мобайнида ресурслардан имкон қадар кўпроқ фойдаланишга интилади. Масалан, компания томонидан қайтарилган 86% маҳсулот қайта ишлатилган бўлиб, фақатгина 1,24% миқдоридаги электрон чиқиндилар яроқсиз деб топилган.
Бундан ташқари, Huawei қайта тикланувчи энергия манбаларини кўпроқ тасарруф этишга ҳаракат қилмоқда.Huawei кампуслари ҳудудида қурилган фотоэлектр (ФЕ) мосламаларнинг умумий қуввати 19,35 МВтни ташкил қилади, 2019 йилда эса 13,57 млн. кВт-соат электр энергияси ишлаб чиқарилди.Компания ўзининг интеллектуал фотоэлектрик ечимларини яна-да кенгроқ миқёсда ҳам қўлламоқда. Хусусан, бунга Аргентинадаги Жужуй провинциясида қурилаётган қуввати 300 Мвт бўлган қуёш электр станциясига тегишли лойиҳани мисол қилиш мумкин.Ушбу қуёш электр станцияси йилига 660 миллион кВт/соат электр энергиясини ишлаб чиқариб, 160 000 та уйни қувват билан таъминлай олади.
Huawei компанияси рақамли технологияларни келгусида янада ривожлантириш ва улардан фойдаланиш имкониятини ҳамоҳанг тарзда осонлаштиришга интилади.2019 йилда Huawei қурилишга оид сарф-харажатларни сезиларли даражада кисқартирадиган ва узоқ аҳоли пунктларида яшайдиган 40 миллиондан ортиқ инсонларни алоқа билан таъминлайдиган RuralStar Lite ечимини ишга туширди.Мазкур ечим барча турдаги рельефларда, шу жумладан, текислик, қояли ҳудудлар, саҳро ва оролларда йўлга қўйилиши мумкин.Шу билан бирга, Huawei шериклари билан ҳамкорлик ўрнатиб, мобил DigiTruck рақамли таснифи лойиҳаси доирасида узоқ ҳудудларда истиқомат қиладиган 800 нафарга яқин кенияликларни рақамли технологияларга ўқитишда кўмаклашди.2019 йилнинг сентябрь ойида Huawei ЮНЕСКО ташкилотининг Шарқий Африкадаги минтақавий бюроси билан ўзаро англашув меморандумини имзолади. Иккала тараф «DigiTruck» лойиҳасини амалга татбиқ этиб, имкон қадар кўпроқ мамлакатларни қамраб олиш, ҳамда барча африкаликлар учун рақамли кўникмалардан фойдаланишни осонлаштириш мақсадида биргаликда иш олиб борадилар.
Huawei ҳисоботида ёзилганидек, АКТ БМТнинг барқарор тараққиёт жабҳасидаги Мақсадларига эришишда ҳал қилувчи вазифани бажаради. Шу боис компания бутун соҳани ижтимоий-иқтисодий тараққиёт, атроф-муҳит муҳофазаси ва инсоният фаровонлиги йўлида ҳамкорликда ишлашга чақиради.
«Huawei умумий муваффақиятга эришиш учун очиқлик ва шериклик кучига ishonadi.Biz гуллаб-яшнайдиган индустриал экотизимни барпо қилиш мақсадида, таъминотчиларимиз сингари соҳавий ҳамкорлар билан ишламоқдамиз», - деб таъкидлади Тао Сзинвен (Tao Jingwen),Huawei компаниясининг бошқарув кенгаши аъзоси ва Барқарор корпоратив тараққиёт бўйича қўмита раиси.«Биз ушбу қийинчиликларни енгиб ўтишимизга мутлақо ишончимиз комил. Ушбу йўналишда олға интиламиз ҳамда мижозларимиз ва дунё аҳолиси учун қийматлар яратишда давом этамиз».
Ўзбекистонда Huawei компанияси 20 йилдан буён фаолият юритиб, барқарор ривожланиш мақсадларига амал қилган ҳолда, инновацион технологияларни тақдим этмоқда ҳамда таълим, соғлиқни сақлаш ва иқлим ўзгаришларидан юзага келадиган оқибатлар билан курашиш каби соҳаларни қўллаб-қувватлашга қаратилган лойиҳаларни амалга оширмоқда.
Тўлиқ ҳисобот матнини бу ердан юклаб олишингиз мумкин www.huawei.com/en/sustainability/sustainability-report
Реклама ҳуқуқи асосида.