Telegram’da videoqo‘ng‘iroqlarni amalga oshirish imkoniyati paydo bo‘ldi

Telegram’ning 6.3 beta-versiyasida suhbatdoshlar bilan videoqo‘ng‘iroq orqali suhbatlashish imkoniyati paydo bo‘ldi, deb xabar beradi Trashbox.

Funksiyani ishga tushirish uchun quyidagi amallarni bajarish kerak:

• Beta-sinov ishtirokchisiga aylanish;
• “Sozlamalar” bo‘limining “shesternya”siga 10 marotaba bosish;
• Hosil bo‘lgan Debug menyusida Expreimental Feature’ni ishga tushirish kerak.

Bundan tashqari, yangi beta-versiya avtomatik ravishda arxivga yuborish, yozishmalar amalga oshirilmagan foydalanuvchilardan keladigan xabarlarni o‘chirib qo‘yish, eski suratlardan avatar tanlash va videoni “suratdagi surat” rejimiga o‘tkazish kabi funksiyalariga ega bo‘lgan.

Eslatib o‘tamiz, Telegram’ning so‘nggi versiyasida videomuharrir, animatsiyali stikerlar qo‘shish, yaxshilangan GIF paneli kabi funksiyalar taqdim etilgandi.