Yaponiya ilg‘or ilm-fan va texnologiyalar instituti olimlari gullar changini sovun pufaklari yordamida yetkazib berish texnologiyasini yaratdi. Bu kabi usul ilgari foydalanilgan yo‘llardan ko‘ra nozikroq hamda ko‘p xarajat va mehnat talab qilmaydi, deb yozadi The New York Times.
Mazkur texnologiyani professor Eydziro Miyako o‘ylab topgan. U gul changini sovun eritmasi bilan aralashtirib, hosil bo‘lgan suyuqlik bilan maxsus pistoletni to‘ldirgan va uning yordamida bog‘idagi noklarni “otib” chiqqan.
Ta’kidlanishicha, tajriba muvaffaqiyatli o‘tgan.
Tadqiqotchilarning hisoblashicha, bog‘dagi har bir gulga ikkitadan o‘ntagacha sovun pufagi kelib tushgan. Keyingi kuzatuvlar gullarning 95 foizi meva tugganini ko‘rsatgan.
Miyakoning so‘zlariga ko‘ra, bu kabi natijaga qo‘l mehnati yordamida erishiladi, biroq u kam xarajat va vaqt talab qiladi.
Endilikda yapon olimlari dronlarni gullarga sovun pufaklarini “otishga” o‘rgatmoqchi. Uchuvchisiz boshqariladigan uchish qurilmalari yordamida katta hududlarni changlantirish va samardorlikni oshirish mumkin bo‘ladi.
Izoh (0)