Himoyachi Vitaliy Denisov “Rotor”ni tark etdi. Bu haqda klub matbuot xizmati xabar bermoqda.
33 yoshli o‘zbekistonlik futbolchi qishda jamoaga qo‘shilgandi, u Volgograd klubi safida bor-yo‘g‘i 2 ta rasmiy o‘yinda ishtirok etdi.
“Biz Vitaliyga qilingan ish uchun minnatdorchilik bildiramiz va uning kelgusi faoliyatida muvaffaqiyatlar tilaymiz”, — deyiladi klub bayonotida.
Ma’lumot uchun, Denisov 2020-yilning yanvar oyida “Rotor” safiga qo‘shilgandi. U bundan tashqari, “Rubin”, “Krilya Sovetov” va Moskvaning “Lokomotiv” klublarida to‘p surgan.
“Rotor” koronavirus tufayli muddatidan avval yakunlangan Rossiya milliy futbol ligasi (FNL) 2019/20-yilgi mavsumida birinchi o‘rinni qo‘lga kiritib, Premyer Liga yo‘llanmasini qo‘lga kiritdi.
Eslatib o‘tamiz, “Rotor” jamoasida o‘zbekistonlik sobiq hujumchi Maksim Shatskix yordamchi murabbiy sifatida faoliyat yuritadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)