“Leypsig” klubi va Germaniya terma jamoasi hujumchisi Timo Verner faoliyatini “Chelsi”da davom ettiradi.
Londonliklar klubi Verner bilan besh yillik shartnoma imzolaganini ma’lum qildi. 24 yoshli futbolchi Bundesliga joriy mavsumi oxiragacha “buqalar” safida qoladi. U iyul oyida “Chelsi” safiga kelib qo‘shiladi.
“Chelsi”ga o‘tayotganimdan xursandman. Ortda qolgan ajoyib to‘rt yil uchun “Leypsig”ga tashakkur aytaman. Siz mening qalbimda qolasiz.
Yangi sheriklar, bosh murabbiy va albatta, “Chelsi” muxlislari bilan birga o‘tadigan kelasi mavsumni intizorlik bilan kutyapman. Bizni muvaffaqiyatli kelajak kutmoqda”, — deydi Verner.
Avvalroq “ko‘klar” transferga 47,5 million funt to‘lashi xabar qilingandi. Futbolchi haftasiga 170 ming funt maosh oladi.
Shuningdek, transfer uchun to‘langan miqdorning 15 foizi Vernerning sobiq jamoasi “Shtutgart”ga ketadi.
Mavzuga doir: Timo Verner Bundesligada 8 yildan beri hech bir germaniyalik futbolchi qayd etolmagan natijaga erishdi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)