Yengil vazn toifasida UFС’ning vaqtinchalik chempioni Jastin Getji Konor Makgregorni nokautga uchratishi mumkinligi haqida gapirdi.
“Masofani saqlash — har qanday jangda birinchi raqamli omildir. Bu ayniqsa, dastlabki 30 soniyada muhim ahamiyat kasb etadi. Ko‘pchilik buni payqamaydi, lekin bu jang borishi va uning yakunlanishida hal qiluvchi rolni o‘ynaydi.
Menimcha, kuchli tomonim — masofani ushlab tura olishimdir. Raqibim masofani nazorat qilishga uringanida yoki hujumga o‘tmoqchi bo‘lganida, men unga oyog‘im bilan zarba berishim va shu bilan uning imkoniyatlarini cheklab qo‘yishim mumkin. Agar rostini aytadigan bo‘lsam, Konorni nokautga uchratgan bo‘lardim.
U taxminan, uch raund yuqori tempda jang qila oladi. Keyingi raundlar esa u uchun juda og‘ir o‘tadi. Makgregor buni biladi va ungacha borishni xohlamaydi. Shuning uchun u endi xavfsiz deb o‘ylayman”, — deydi Getji.
Eslatib o‘tamiz, Habib Nurmagomedov va Jastin Getji o‘rtasidagi titul jangi sentabr oyida o‘tkazilishi rejalashtirilgan.
Izoh (0)