Ҳимоячи Виталий Денисов «Ротор»ни тарк этди. Бу ҳақда клуб матбуот хизмати хабар бермоқда.
33 ёшли ўзбекистонлик футболчи қишда жамоага қўшилганди, у Волгоград клуби сафида бор-йўғи 2 та расмий ўйинда иштирок этди.
«Биз Виталийга қилинган иш учун миннатдорчилик билдирамиз ва унинг келгуси фаолиятида муваффақиятлар тилаймиз», — дейилади клуб баёнотида.
Маълумот учун, Денисов 2020 йилнинг январь ойида «Ротор» сафига қўшилганди. У бундан ташқари, «Рубин», «Крилья Советов» ва Москванинг «Локомотив» клубларида тўп сурган.
«Ротор» коронавирус туфайли муддатидан аввал якунланган Россия миллий футбол лигаси (ФНЛ) 2019/20 йилги мавсумида биринчи ўринни қўлга киритиб, Премьер Лига йўлланмасини қўлга киритди.
Эслатиб ўтамиз, «Ротор» жамоасида ўзбекистонлик собиқ ҳужумчи Максим Шацких ёрдамчи мураббий сифатида фаолият юритади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)