Astraxan politsiyasiga yo‘llardagi avtomatlashtirilgan kuzatuv tizimlariga xizmat ko‘rsatish bilan shug‘ullanuvchi korxona xodimi murojaat qilib, noma’lum shaxs tezlikning oshganini qayd etuvchi kamerani o‘g‘irlab ketganini bildirdi, deb xabar beradi Motor.
Kamera Astraxan— Kamizyak trassasi bo‘yidagi elektr energiyasini uzatish ustuniga o‘rnatilgan bo‘lgan. Noma’lum shaxs radiolokatsion tezlik o‘lchagichni, akkumulyator va ko‘chaga mo‘ljallangan infraqizil projektorni olib ketgan. Yetkazilgan umumiy zarar 180 ming rubl (2,5 ming dollar).
Politsiyachilar qo‘shni elektr energiyasini uzatish ustuniga o‘rnatilgan kamera yordamida o‘g‘rini ushlashga muvaffaq bo‘lgan. O‘g‘irlik sodir bo‘lgan joy yaqinidagi qishloq aholisi 26 yoshli erkakni darrov tanigan. Biroq u o‘zining jinoyatga aloqadorligini rad etgan. Huquq-tartibot idorasi xodimlari gumonlanuvchining garajidan o‘g‘riga tegishli kurtka va voqea joyidagi g‘ildirak iziga mos keladigan shinali “Jiguli”ni topishganidan so‘ng, erkak barchasini tan olgan.
O‘g‘rining so‘zlariga ko‘ra, u oshirilgan tezlik uchun jarimalar to‘layvergani sabab shu ishni qilishga majbur bo‘lgan. O‘g‘irlik fakti bo‘yicha tergov ishi yakunlangan, endilikda kamera o‘g‘risi yetkazilgan zararni qoplashi kerak. Shuningdek, u qamoq jazosiga hukm qilinishi mumkin.
Izoh (0)