London markazida Buyuk Britaniya bosh vaziri Boris Jonson ketayotgan mashina yo‘l-transport hodisasiga uchradi. Bu haqda bosh vazir devonxonasining rasmiy vakiliga tayanib, CNN xabar qilgan.
“Bosh vazir mashina ichida bo‘lgan va avtohalokatdan hech kimga talafot yetmagan”, – deya axborot bergan spiker.
Guvohlarning so‘zlariga ko‘ra, bosh vazir ketayotgan mashina haydovchisi kurdlar o‘tkazayotgan norozilik namoyishi ishtirokchisining yo‘lga yugurib chiqishi oqibatida to‘satdan avtomobilni to‘xtatishiga to‘g‘ri kelgan.
https://twitter.com/i/status/1273244222385160192
Oqibatda bosh vazir ketayotgan mashina orqasidagi qo‘riqlash xizmati avtomobilidagilar unga borib urilib, orqa kapot qismi va bamperni pachoq qilgan. YTH sodir bo‘lishida aybdor piyoda huquq-tartibot idoralari xodimlari tomonidan ushlangan.
Eslatib o‘tamiz, avval Buyuk Britaniya qirolichasi Yelizavetta II Jonsonning saroyda sport bilan shug‘ullanishiga ruxsat bergan. Mamlakat bosh vaziri qirollik oilasining saroyida sport bilan shug‘ullanib, o‘zi bahorda yengib o‘tgan koronavirus infeksiyasining asoratlaridan to‘liq forig‘ bo‘lishi mumkin.
Mavzuga doir:
- Britaniya bosh vaziri irqchilikka qarshi kurashda yodgorliklarni tinch qo‘yib, demokratik vositalardan foydalanishga chaqirdi
- Boris Jonson koronavirusdan o‘ladigan bo‘lsa, qanday asosiy harakatlar rejasi tayyorlab qo‘yilganini ma’lum qildi
- Boris Jonson ota bo‘ldi. Bolakayga bosh vazirni davolagan shifokorlarning ismi qo‘yildi
Izoh (0)