Астрахан полициясига йўллардаги автоматлаштирилган кузатув тизимларига хизмат кўрсатиш билан шуғулланувчи корхона ходими мурожаат қилиб, номаълум шахс тезликнинг ошганини қайд этувчи камерани ўғирлаб кетганини билдирди, деб хабар беради Motor.
Камера Астрахан— Камизяк трассаси бўйидаги электр энергиясини узатиш устунига ўрнатилган бўлган. Номаълум шахс радиолокацион тезлик ўлчагични, аккумулятор ва кўчага мўлжалланган инфрақизил прожекторни олиб кетган. Етказилган умумий зарар 180 минг рубль (2,5 минг доллар).
Полициячилар қўшни электр энергиясини узатиш устунига ўрнатилган камера ёрдамида ўғрини ушлашга муваффақ бўлган. Ўғирлик содир бўлган жой яқинидаги қишлоқ аҳолиси 26 ёшли эркакни дарров таниган. Бироқ у ўзининг жиноятга алоқадорлигини рад этган. Ҳуқуқ-тартибот идораси ходимлари гумонланувчининг гаражидан ўғрига тегишли куртка ва воқеа жойидаги ғилдирак изига мос келадиган шинали «Жигули»ни топишганидан сўнг эркак барчасини тан олган.
Ўғрининг сўзларига кўра, у оширилган тезлик учун жарималар тўлайвергани сабаб шу ишни қилишга мажбур бўлган. Ўғирлик факти бўйича тергов иши якунланган, эндиликда камера ўғриси етказилган зарарни қоплаши керак. Шунингдек, у қамоқ жазосига ҳукм қилиниши мумкин.
Изоҳ (0)