Madridning “Real” klubi Ispaniya La Ligasining 28-turidan o‘rin olgan “Eybar”ga qarshi uchrashuvda ushbu mavsumdagi eng yomon ko‘rsatkichni qayd etdi, deya xabar beradi Opta Sports.
Xabar qilinishicha, “Qirollik klubi” raqib darvozasi atigi 6 marta zarba yo‘llagan, shulardan 5 tasi aniq. Bu esa jamoa uchun joriy mavsumidagi eng yomon ko‘rsatkich hisoblanadi.
Eslatib o‘tamiz, “Real” 14-iyun, yakshanba kuni o‘z maydonida “Eybar”ni qabul qilib, 3:1 hisobida g‘alaba qozondi. Mezbonlar safida Toni Kroos, Serxio Ramos va Marselo o‘z hisobiga bittadan gol yozdirib qo‘ygan bo‘lsa, “Eybar”ning yagona goliga Bigas mualliflik qildi.
“Real” 59 ochko to‘plagan holda, La Ligada 2-o‘rinni egallab turibdi. “Eybar” esa 27 ochko bilan 16-pog‘onadan joy olgan. Keyingi turda “Real” 18-iyun sanasida o‘z uyida “Valensiya”ni qabul qiladi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!