Futbol bo‘yicha Ispaniya La Ligasining 28-turidan o‘rin olgan “Real” va “Eybar” jamoalari o‘rtasidagi uchrashuv 14-iyun, yakshanba kuni bo‘lib o‘tdi.
“Alfredo di Stefano” stadionida bo‘lib o‘tgan bahsda madridliklarning qo‘li baland keldi. Uchrashuvning 4-daqiqasidayoq Toni Kroos jarima maydoni tashqarisidan aniq zarba yo‘llab, hisobni ochdi. 30-daqiqada esa Serxio Ramos mezbonlarning qarshi hujumini muvaffaqiyatli yakunladi.
Oradan ko‘p vaqt o‘tmay Marselo hisobni yirik ko‘rinishga olib keldi. Mehmonlar bunga 60-daqiqada Pedro Bigasning goli bilan javob qaytardi. Qolgan vaqtda hisob o‘zgarmadi va “Qirollik klubi” mavsum restartini g‘alaba bilan boshladi.
“Real” ochkolarini 59 taga yetkazib olgan holda peshqadam “Barselona” (61) bilan o‘rtadagi farqni yana ikkitaga yetkazdi.
La Liga
28-tur bahsi
14-iyun, yakshanba
“Real Madrid” — “Eybar” 3:1
Gollar: 1:0 – 4 Kroos, 2:0 – 30 Ramos, 3:0 – 37 Marselo, 3:1 – 60 Bigas.“Real Madrid”: Kurtua, Ramos (Militao, 61), Marselo, Varan, Karvaxal (Mendi, 46), Kazemiro, Kroos, Rodrigo (Beyl, 61), Modrich (Valverde, 84), Azar (Vinisius Junior, 61), Benzema.
“Eybar”: Dmitrovich, Oliveyra, Rafa Soaresh (Bigas, 57), Arbilya (Burgos, 84), Korrea, Eksposito, Alvares, Orelyana (Leon, 57), De Blasis (Inui, 78), Kristoforo, Kike Garsiya (Enrik, 57).
Ogohlantirishlar: Kazemiro (47), Kristoforo (90+3).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)