Калифорния университети профессори Гордон Кляйн қора танли талабаларни имтиҳонлардан озод этишни истамагани учун уч ҳафтага ишдан четлатилди, деб ёзади Daily Mail.
Гордон 39 йиллик педагоглик стажига эга.
Кляйн афроамерикалик талабаларидан Жорж Флойднинг ўлими фонида ўзларига алоҳида эътибор беришни сўраб ёзилган хат олди. Талабалар ўз қора танли курсдошларини қўллаб-қувватлаётгани учун ўқишга вақт ажратолмаётганини ёзган.
Гордон Кляйн талабаларига афроамерикаликлар ҳуқуқларини ҳимоя қилувчи ҳаракат раҳбари Мартин Лютернинг сўзларидан иқтибос келтириб жавоб берди:
«Шундай орзум бор: Бир куни фарзандларим уларнинг қора танли бўлгани учун эмас, балки инсоний фазилатларига қараб муносабат билдириладиган жамиятда яшайди».
Шунингдек, Кляйн агар талаба ярим америкалик, ярим африкалик бўлса, у билан қандай йўл тутиши кераклигини ҳам сўраган. «Уларни имтиҳонлардан қисман озод этайми? Ёки бутунлайми?», — деб сўраган профессор.
Иложсиз қолган талабалар ижтимоий тармоқларга ўқитувчи билан ёзишмани тарқатиб юборган ҳамда унинг университетдан бўшатилишини сўраб, петиция жорий қилган.
Ижтимоий тармоқлар фойдаланувчилари профессорнинг жавобини айни вазият фонида ўта қўпол ва ирқчилик руҳида деб баҳолаган.
Петицияни қарийб 20 минг киши имзолаган, профессорга эса турли таҳдидлар бўла бошлаган. Полициячилар ҳозирда Гордон Кляйннинг уйини қўриқламоқда.
Изоҳ (0)