“Daryo” tahririyatiga Namangan viloyati Chust tumani Olmos qishlog‘ida yashovchi Sherzod Tursunov murojaat qilib, oqqon kasalligiga chalingan farzandi Izzatillo Musinaliyevga moddiy yordam so‘radi.
Izzatillo Musinaliyev 2015-yil 29-oktabrda Namangan viloyati Chust tumanida tug‘ilgan. 2019-yil oktabr oyida Namangan viloyatida analiz topshirganida shifokorlar bolakayda oqqon kasalligi borligini aytishgan.
Ota-onasi Izatilloni oktabr oyining o‘zidayoq poytaxtdagi Gematologiya va qon quyish ilmiy tekshirish institutiga yotqizgan.
“Ikki qizim, bir o‘g‘lim bor. Izzatillo kenjam, bitta-yu bitta o‘g‘lim. Tengdoshlari kabi ko‘chada o‘ynab-kulib yuradigan paytida kasallik bilan olishib yotibdi.
Hozirgacha beshta kursni tugatdik. Har bir kursimizga 30-35 million so‘m ketdi. Dorilari juda qimmat. Vaqti kelsa dorilarni o‘zimizdan topa olmay, xorijdan sotib oldik. Karantin tufayli narx-navo ko‘tarilib ketgan, juda qiynalib qoldik. Hali yana oldinda 3 ta kursimiz bor.
Namanganda dehqonchilik qilib kun kechirardik. Lekin bolamga qarash, dori-darmonlarini yetkazib berayotganim uchun Toshkentda ayolim bilan yashayapmiz. Ish topolganim ham yo‘q. Dori- darmonlarga qiynalib qolganim uchun sizlarga murojaat qilyapman.
Hozir saxovatli insonlarning yordamiga juda-juda muhtojman. Mendan qaytmasa, Allohdan qaytsin. Umrim so‘ngiga qadar duodaman”, — deydi biz bilan suhbatda bo‘lgan bolakayning otasi Sherzod Tursunov
Barcha saxovatli yurtdoshlarimizdan Izzatillo Musinaliyevning sog‘ayib ketishi uchun yordam berishlarini so‘raymiz.
Izzatillo Musinaliyevga xayriya qilishni istaganlar uchun kerakli ma’lumotlar:
Plastik karta orqali:
Sherzod Tursunov nomida
Uzcard- 8600 0304 7533 0118
Sberbank: 5336 6901 9860 2643
Pasport ma’lumotlari:
Tursunov Sherzod AB 3947097
Murojaat uchun otasining telefon raqami: +998941505655
Izoh (0)