Бокс бўйича оғир вазн тоифасида Жаҳон чемпиони Энтони Жошуанинг промоутери Эдди Ҳирн боксчининг жароҳат орттириб олгани ҳақида гапирди.
«Қўлтиқтаёқда юриш ҳар доим ҳам ёмон бўлган. Аммо бу жароҳат Жошуанинг 2020 йилги режалари ва унинг кейинги фаолиятига таъсир ўтказмайди.
Жошуа, тахминан, 3-4 ҳафта давомида оёғига фиксатор билан юради. Бу Энтонинг машғулотларга қайтиши учун ишонч ҳосил қилишда муҳим аҳамият касб этади.
Жошуа тиззасининг ички қисмини шикастлаб олган. Шукурки, операция қилишга ҳожат йўқ. Кейинги бир неча ҳафта ичида Жошуа югурмайди ва оғир машқларни бажармай туради», — дейди Ҳирн.
Маълумот учун, британиялик боксчи профессионал боксдаги фаолияти давомида 24 та жанг ўтказиб, шулардан 23 тасида ғалаба (21 нокаут) қозонган. Яна бир баҳсда эса имкониятни бой бериб қўйган.
Мавзуга доир:
Изоҳ (0)